[东方报]世冠盃：球員未回氣曼城慳力歎細界[06-22]

聽朝世冠盃G組次輪賽事，英超班霸曼城硬撼阿聯酋勁旅艾阿恩。「藍月亮」雖然首輪旗開得勝，但始終征戰頻仍，近期都係採取慳水慳力打法，贏波至上見好即收，艾阿恩吸取上仗慘敗教訓，今場必定死守，只求輸少當贏，3.5球細盤捧得過。（周一早上9時開賽）

曼城進入換血期，基爾獲加、奇雲迪布尼等老將離隊，加入雷恩達斯及卓基等新兵，需要時間磨合。同好多參加世冠盃嘅球隊一樣，「藍月亮」賽程堅頻密，主帥哥迪奧拿的確未有時間貫輸新戰術，依家都係邊踢邊調整，當然贏波先係最緊要，佢哋能夠保住聯賽前4，係哥帥作出某程度妥協，犧牲華麗進攻，用效率換來多場小勝，各項賽事近9場獲7勝1和僅1敗，其中8場開3球或以下，包括世冠盃首輪半場領先韋達卡薩白蘭卡兩粒下，下半場即收油保持2比0勝果，同以往經常大炒對手截然不同。

艾阿恩全力防守
另邊廂，艾阿恩喺首輪慘吃一記悶棍，淨吞祖雲達斯5隻光蛋，亦凸顯佢哋同歐洲勁旅實力上有幾大距離，雖然係慘敗一場，但從好嘅方面睇，半場落後4球下，易邊後只係輸多1粒，似乎防守表現係有改善。經過上場咁沉重嘅教訓，相信艾阿恩今仗都唔想再次大敗，今仗死守在所難免，揀3.5球入球細最上算。